Thursday, October 22, 2020

ಪ್ರಚಲಿತ ಘಟನೆಗಳು

🌷 'ಸುಕನ್ಯಾ ಸಮೃದ್ಧಿ'ಯಲ್ಲಿ 'ಭಾಗ್ಯಲಕ್ಷ್ಮಿ' ಯೋಜನೆ ವಿಲೀನಕ್ಕೆ ರಾಜ್ಯ ಸಂಪುಟ ಒಪ್ಪಿಗೆ
=======================
ರಾಜ್ಯ ಸರಕಾರದ ಜನಪ್ರಿಯ ಯೋಜನೆಗಳಲ್ಲಿ ಒಂದಾದ 'ಭಾಗ್ಯಲಕ್ಷ್ಮೀ' ಯೋಜನೆಯನ್ನು ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಬದಲು ಅಂಚೆ ಇಲಾಖೆಯ 'ಸುಕನ್ಯಾ ಸಮೃದ್ಧಿ' ಮೂಲಕ ಮುಂದುವರಿಸಲು ಗುರುವಾರ ರಾಜ್ಯ ಸಂಪುಟ ಸಭೆ ಆಡಳಿತಾತ್ಮಕ ಸಮ್ಮತಿ ನೀಡಿದೆ.
=========
ಅಂದರೆ, ಇನ್ಮುಂದೆ ಭಾಗ್ಯಲಕ್ಷ್ಮೀ ಯೋಜನೆಯು ಅಂಚೆ ಇಲಾಖೆಯ 'ಸುಕನ್ಯಾ ಸಮೃದ್ಧಿ' ಯೋಜನೆ ಹೆಸರಲ್ಲಿ ಮುಂದುವರಿಯಲಿದೆ. ಈ ಯೋಜನೆಗೆ ಎಲ್‌ಐಸಿ ಬದಲು ಅಂಚೆ ಇಲಾಖೆಯೇ ಏಜೆನ್ಸಿಯಾಗಿರುತ್ತದೆ. ಈ ಕುರಿತು ರಾಜ್ಯ ಸರಕಾರ ಈ ಹಿಂದೆಯೇ ತಿಳಿಸಿತ್ತು. ಆದರೆ, ಸಚಿವ ಸಂಪುಟದ ಒಪ್ಪಿಗೆ ಸಿಗಬೇಕಿತ್ತು.
==========
ಭಾಗ್ಯಲಕ್ಷ್ಮೀ ಯೋಜನೆಯನ್ನು ಮರು ವಿನ್ಯಾಸಗೊಳಿಸಿ ಜಾರಿ ಮಾಡುವುದರಿಂದ ಫಲಾನುಭವಿಗೆ ಯಾವುದೇ ರೀತಿಯ ನಷ್ಟವಾಗುವುದಿಲ್ಲ. ಸರಕಾರ ನೀಡಿದ್ದ ಭರವಸೆಯಂತೆಯೇ ಹೆಣ್ಣು ಮಗುವಿಗೆ 18 ವರ್ಷ ತುಂಬಿದಾಗ 1 ಲಕ್ಷ ರೂಪಾಯಿ ದೊರೆಯಲಿದೆ.
======
ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ)ವು ಭಾಗ್ಯಲಕ್ಷ್ಮೀ ಬಾಂಡುಗಳ ಮೆಚ್ಯೂರಿಟಿ ನಂತರ ಫಲಾನುಭವಿಗೆ 1 ಲಕ್ಷ ರೂ. ನೀಡಲು ತಕರಾರು ಮಾಡುತ್ತಲೇ ಇತ್ತು. ಈ ಕುರಿತ ಕಳೆದ ಬಜೆಟ್‌ ತಯಾರಿಕೆ ಸಂದರ್ಭ ಚರ್ಚೆಗೆ ಬಂದಿತ್ತು. ಬಡ್ಡಿದರ ಕಡಿಮೆ ಇರುವುದರಿಂದ, ಕಡಿಮೆ ಬೀಳುವ ಮೊತ್ತವನ್ನು ಸರಕಾರವೇ ಭರಿಸಬೇಕು ಎಂದುದು ಎಲ್‌ಐಸಿಯ ವಾದವಾಗಿತ್ತು.
======
ಇದೇ ಕಾರಣದಿಂದ ಭಾಗ್ಯಲಕ್ಷ್ಮೀ ಯೋಜನೆಯನ್ನು ಸುಕನ್ಯಾ ಸಮೃದ್ಧಿ ಯೋಜನೆಗೆ ವರ್ಗಾಯಿಸಲಾಗಿದೆ. ಎಲ್‌ಐಸಿಯ ಬೇಡಿಕೆಯನ್ನು ಪೂರೈಸಲು ಹೋದರೆ, ರಾಜ್ಯ ಸರಕಾರಕ್ಕೆ ವಾರ್ಷಿಕ 2,000 ಕೋಟಿ ರೂಪಾಯಿಗೂ ಹೆಚ್ಚು ಹೊರೆಯಾಗಲಿದೆ. ಹೀಗಾಗಿ ಅಂಚೆ ಇಲಾಖೆಗೆ ವರ್ಗಾಯಿಸಲಾಗಿದೆ.
========
ಬಡತನ ರೇಖೆಗಿಂತ ಕೆಳಗಿರುವ (ಬಿಪಿಎಲ್) ಕುಂಟುಂಬದಲ್ಲಿ ಜನಿಸಿದ ಹೆಣ್ಣುಮಕ್ಕಳಿಗೆ ಬಾಂಡ್‌ ನೀಡುವ ಯೋಜನೆ ಇದಾಗಿದೆ. ಭಾಗ್ಯಲಕ್ಷ್ಮೀ ಯೋಜನೆಯನ್ನು ಯಡಿಯೂರಪ್ಪ ಅವರು ಈ ಹಿಂದೆ ಮುಖ್ಯಮಂತ್ರಿ ಆಗಿದ್ದಾಗ ಜಾರಿಗೆ ತಂದಿದ್ದರು.
=============
👉 ಬದಲಾವಣೆಯ ವಿಶೇಷತೆಯೇನು?
=======
ಹೊಸ ಯೋಜನೆ (ಸುಕನ್ಯಾ ಸಮೃದ್ಧಿ ಯೋಜನೆ)ಯಲ್ಲಿ ರಾಜ್ಯ ಸರಕಾರ ಪ್ರತಿ ಮಗುವಿಗೆ ವರ್ಷಕ್ಕೆ 3 ಸಾವಿರ ರೂ.ಗಳಂತೆ 15 ವರ್ಷಗಳ ಕಾಲ (45 ಸಾವಿರ ರೂ.) ಪಾವತಿಸುತ್ತದೆ. ಫಲಾನುಭವಿಗೆ 21 ವರ್ಷವಾದಾಗ 1.27 ಲಕ್ಷ ರೂ. ಸಿಗುತ್ತದೆ. ಒಂದು ವೇಳೆ ಫಲಾನುಭವಿಗೆ ಎಸ್‌ಎಸ್‌ಎಲ್‌ಸಿ ಅಥವಾ ಪಿಯುಸಿ ನಂತರದ ಶಿಕ್ಷಣಕ್ಕೆ ಹಣ ಬೇಕಿದ್ದರೆ ಆ ಹಣವನ್ನು ವಿತ್‌ ಡ್ರಾ ಮಾಡಿಕೊಳ್ಳಲು ಅವಕಾಶವಿದೆ.
=============
ಸುಕನ್ಯಾ ಸಮೃದ್ಧಿ ಯೋಜನೆಗೆ ಸರಕಾರ ಹಣ ತುಂಬುತ್ತದೆ. ಒಂದು ವೇಳೆ ಪೋಷಕರಲ್ಲಿ ಹಣ ಇದ್ದರೆ ಅದನ್ನೂ ಈ ಖಾತೆಗೆ ಕಟ್ಟಿ ಹೆಚ್ಚು ಹಣಗಳಿಸಬಹುದು. ಈ ಯೋಜನೆಯ ಒಂದು ಅನನುಕೂಲವೆಂದರೆ ಪೋಷಕರು ನಿಧನರಾದರೆ ವಿಮೆ ಸೌಲಭ್ಯವಿಲ್ಲ. ಎಲ್‌ಐಸಿಯಲ್ಲಾದರೆ ಆ ಸೌಲಭ್ಯವಿತ್ತು.

No comments:

Post a Comment