ಜೈವಿಕ ಸಂರಕ್ಷಣಾ ಪ್ರದೇಶಗಳು

ಜೈವಿಕ ಸಂರಕ್ಷಣಾ ಪ್ರದೇಶಗಳು ಪ್ರತಿಯೊಂದು ಸಸ್ಯ ಮತ್ತು ಪ್ರಾಣಿ ಪ್ರಭೇದಗಳಿಗೆ ಅವುಗಳಿರುವ ನೈಸರ್ಗಿಕ ಪ್ರದೇಶಗಳಲ್ಲೇ ರಕ್ಷಣೆ ನೀಡುತ್ತದೆ. ಇದರಿಂದ ನೈಸರ್ಗಿಕ ಸಂಪತ್ತನ್ನು ಮುಂದಿನ ಪೀಳಿಗೆಗೆ ಉಳಿಸಿಕೊಂಡು ಹೋಗಬಹುದು.

ಜೀವ ಪರಿಸರ ವ್ಯವಸ್ಥೆಯ ಸಂರಕ್ಷಣೆ ಮತ್ತು ನೈಸರ್ಗಿಕ ಸಂಪನ್ಮೂಲಗಳ ಯೋಗ್ಯ ಬಳಕೆಯಲ್ಲಿ , ನಿರ್ವಹಣೆಯ ಮೂಲಕ ಆಂತರಿಕ ಹೊಂದಾಣಿಕೆಯನ್ನು ಹೆಚ್ಚಿಸುವುದು , ಸಂಶೋಧನೆ ಮತ್ತು ಶಿಕ್ಷಣ ನೀಡಲು ಯುನೆಸ್ಕೊ 1971ರಲ್ಲಿ ಮಾನವ ಮತ್ತು ಜೈವಿಕ ಸಂರಕ್ಷಣಾ ಕಾರ್ಯಕ್ರಮಗಳನ್ನು ( MAB ) ಪ್ರಾರಂಭಿಸಿತು.

ಭಾರತ ಸರ್ಕಾರವು 18 ಜೈವಿಕ ಸಂರಕ್ಷಣಾವಲಯಗಳನ್ನು ಸ್ಥಾಪಿಸಿದೆ .

★ ಯುನೆಸ್ಕೋ ಮಾನವ ಮತ್ತು ಜೈವಿಕ ಸಂರಕ್ಷಣಾ ( MAB ) ಕಾರ್ಯಕ್ರಮಗಳ ಪಟ್ಟಿಯ ಪ್ರಕಾರ ಭಾರತದ 18ರಲ್ಲಿ 8 ಜೈವಿಕ ಸಂರಕ್ಷಣಾ ವಲಯಗಳು , ಪ್ರಪಂಚದ ಜೈವಿಕ ಸಂರಕ್ಷಣಾವಲಯ ಜಾಲಗಳ ಭಾಗಗಳಾಗಿವೆ .

* ನೀಲಗಿರಿ ಜೈವಿಕ ಸಂರಕ್ಷಣಾವಲಯ - ತಮಿಳುನಾಡು , ಕೇರಳ , ಕರ್ನಾಟಕ
* ಮನ್ನಾರ ಖಾರಿ ಜೈವಿಕ ಸಂರಕ್ಷಣಾವಲಯ - ತಮಿಳುನಾಡು
* ಸುಂದರಬನ್ಸ್ ಜೈವಿಕ ಸಂರಕ್ಷಣಾವಲಯ - ಪಶ್ಚಿಮ ಬಂಗಾಳ
* ನಂದಾದೇವಿ ಜೈವಿಕ ಸಂರಕ್ಷಣಾವಲಯ - ಉತ್ತರಖಂಡ
* ನೊಕ್ರೆಕ್ ಜೈವಿಕ ಸಂರಕ್ಷಣಾವಲಯ - ಮೇಘಾಲಯ
* ಪಚಮಾರಿ ಜೈವಿಕ ಸಂರಕ್ಷಣಾವಲಯ - ಮಧ್ಯಪ್ರದೇಶ
* ಸಿಂಪ್ಲಿಪಾಲ ಜೈವಿಕ ಸಂರಕ್ಷಣಾವಲಯ - ಓಡಿಶಾ
* ಅಚಾನ್‌ಕಾರ್ - ಅಮರಕಂಟಕ ಜೈವಿಕ ಸಂರಕ್ಷಣಾವಲಯ - ಛತ್ತಿಸ್‌ಗಡ್ & ಝಾರ್ಖಂಡ

ದೇಶದ ಇತರೆ ಜೈವಿಕ ಸಂರಕ್ಷಣಾ ವಲಯಗಳೆಂದರೆ
- ರಾಣಾ ಆಫ್ ಕಚ್ ( ಗುಜರಾತ್ ) , ಶೀತ ಮರುಭೂಮಿ ( ಕೋಲ್ಲ ಡೆಸರ್ಟ್ ) ( ಹಿಮಾಚಲಪ್ರದೇಶ ) , ದಿಹಾಂಗ್ - ದಿಬಾಂಗ್ ( ಅರುಣಾಚಲ ಪ್ರದೇಶ ) , ಶೇಷಾಚಲಂ ಬೆಟ್ಟಗಳು ( ಆಂಧ್ರಪ್ರದೇಶ ) , ಮಾನಸ್ ( ಅಸ್ಸಾಂ ) , ಕಾಂಚನಜುಂಗಾ ( ಸಿಕ್ಕಿಂ ) , ಅಗಸ್ಯಮಲೈ ( ಕೇರಳ ) , ಗ್ರೇಟ್ ನಿಕೋಬಾರ ( ಅಂಡಮಾನ ಮತ್ತು ನಿಕೋಬಾರ ದ್ವೀಪಗಳು ) , ದಿಬ್ರು - ಸೈಖೋವಾ ( ಅಸ್ಸಾಂ ) ಮತ್ತು ಪನ್ನಾ ( ಮಧ್ಯಪ್ರದೇಶ )